Vicus Clube de Baloncesto

Cuarta xornada de Vigo en Xogo. O Vicus encadeamos a terceira derrota consecutiva no inicio desta tempada na segunda división. Desta xeira fronte a Amfiv 2 un equipo que presupoñemos estará na nosa loita pola permanencia. O partido estivo máis disputado que encontros anteriores e o Vicus melloramos a nosa imaxe cunha maior intensidade en defensa, pero seguimos a estar moi lastrados pola nosa deficiencia anotadora. O primiero parcial rematou 11-18 pero sentiamos que aínda estabamos en disposición de loitar pola victoria.

Xa non era sen tempo! nos voltamos a xuntar para unha das nosas ceas de equipo, desta xeira para inaugurar a tempada 2019-20. Un evento que nos axuda a facer equipo. Bo ambiente, cea agradable e saborosa e agasallos para os gladiadores que a tempada pasada acadamos o triunfo na terceira división. Fixádevos se estabamos a gusto que ate se nos esqueceu inmortalizalo momento cunha foto. Menos mal que estiveron listos os máis resistentes na noite para ao final para apuntarse a un selfie. Un pracer coma sempre desfrutar da compaña de todos. Forza Vicus!

Terceira xornada de Vigo en Xogo. O Vicus sumamos unha nova derrota contra Centro Ecuestre Rías Baixas. O partido escomezou cun intercambio de canastras pero xa aos poucos minutos os noso rivais foron impoñendo o seu ritmo, máis físico e cunha maior velocidade e contragolpes foron abrindo unha fenda no taboleiro, que non mostras en ningún momento de poder recuperar. O primeiro acto rematou cun esclarecedor 30-16, a nosa baixa anotación, un dos problemas que estamos a ter esta tempada, xa amosaba que iamos sufrir neste encontro.