Vicus Clube de Baloncesto

Retomamos a competición de Vigo en Xogo. Foron moitísimos meses de espera, que nas pernas e nos brazos aínda semellaron máis longos. A boa nova é que contamos cuns reforzos importantes para esta tempada. Agardamos que supoñan un salto de calidade. Estamos encadrados na segunda división da competición, neste ano conta con só duas divisións de baloncesto. 

Na primeira xornada debutamos contra un vello conecido C.B. Mariano. Afrontabamos o encontro sen adestramento algún pero coa ilusión de regresar as pistas.

Xa entrando no propiamente deportivo, poucas mellores maneiras se me ocorren de regresar a competición que a victoria que acadamos onte. O encontro non tivo un ritmo elevado por ningún dos dous equipos pero o Vicus comezamos golpeando dende o perimetro e tamén moi sólido no rebote defensivo co que foi traballando unha renta paseninamente. O primeiro parcial rematou cun moi favorable 8 - 22. Xa na segunda metade contrarestouse a reacción inicial de saída dos nosos rivais con acerto no tiro dos nosos homes exteriores e con máis rebote defensivo que ata permitui sacar algúns contragolpes rematados en bandexa. Pechamos o encontro cun sólido 21-43 que nos deixa un fantástico sabor de boca. Por suposto, se nos nota a inactividade pero o equipo actuou unido e con cabeza. Facendo o que sabe facer e cas novas incorporacións aportando calidade e arroupnado ao resto do equipo. .